ବଡ଼ମ୍ବା ବିଧାନସଭା ନିର୍ବାଚନରେ ୨୯୨ ବୁଥରେ ଭୋଟ ଦେବେ ୦୨ ଲକ୍ଷ ୪୬ ହଜାର ଭୋଟର
ଗଡ଼ଜାତ ବ୍ୟୁରୋ : ୨୦୨୪ ସାଧାରଣ ନିର୍ବାଚନ ପାଇଁ ଆସନ୍ତା ମେ' ୨୫ ତାରିଖ ଓଡ଼ିଶାରେ ହେବ ତୃତୀୟ ପର୍ଯ୍ୟାୟ ଭୋଟ୍ ଗ୍ରହଣ । ଏଥିପାଇଁ ବିଧିବଦ୍ଧ ଭାବେ ୨୯/୦୪ ରେ ବିଜ୍ଞପ୍ତି ଜାରି ହେବା ସହିତ ୦୬/୦୫ ପର୍ଯ୍ୟନ୍ତ ଚାଲିବ ନାମାଙ୍କନ ପତ୍ର ଦାଖଲ । ୦୭/୦୫ ରେ ନାମାଙ୍କନ ପତ୍ର ଯାଞ୍ଚ ହୋଇ ୦୯/୦୫ ରେ ଘୋଷଣା ହେବ ଚୁଡାନ୍ତ ପ୍ରାର୍ଥୀ ତାଲିକା । ଚଳିତ ନିର୍ବାଚନରେ ବଡ଼ମ୍ବା-ନରସିଂହପୁର ଅଞ୍ଚଳର ୨୯୨ ଟି ମତଦାନ କେନ୍ଦ୍ରରେ ଭୋଟ ଦେବେ ୦୨ ଲକ୍ଷ ୪୬ ହଜାର ୧୦୩ ଜଣ ମତଦାତା । ଏମାନଙ୍କ ମଧ୍ୟରେ ୦୧ ଲକ୍ଷ ୨୯ ହଜାର ୧୮୩ ଜଣ ପୁରୁଷ , ୦୧ ଲକ୍ଷ ୧୬ ହଜାର ୮୯୯ ଜଣ ମହିଳା ଏବଂ ୨୧ ଜଣ ତୃତୀୟ ଲିଙ୍ଗୀ ଭୋଟର ରହିଛନ୍ତି । ଚଳିତ ନିର୍ବାଚନରେ ନୂଆ କରି ଭୋଟ ଦେବେ ୦୯ ହଜାର ଯୁବ ଭୋଟର । ସେହିପରି ବଡ଼ମ୍ବା ବ୍ଳକରେ ଉଭୟ ଲୋକସଭା ଓ ବିଧାନସଭା ପାଇଁ ୧୩୬ ଟି ବୁଥରେ ମତଦାନ ବ୍ୟବସ୍ଥା କରାଯାଇଥିବା ବେଳେ ନରସିଂହପୁରରେ ୧୫୬ ଟି ବୁଥରେ ଭୋଟ ଗ୍ରହଣ ପାଇଁ ବ୍ୟବସ୍ଥା ହୋଇଛି । ଏଥି ମଧ୍ୟରୁ ପ୍ରାୟ ୭୫ ଟି ବୁଥକୁ ସମ୍ବେଦନଶୀଳ ବୁଥ ଭାବରେ ଚିହ୍ନଟ କରାଯାଇଥିବା ସୁଚନା ମିଳିଛି । ଉଭୟ ବ୍ଳକର ତହସିଲଦାର , ବିଡ଼ିଓ, ଥାନାଧିକାରୀଙ୍କ ସମେତ କେନ୍ଦ୍ରୀୟ ସୁରକ୍ଷା ବଳ ପକ୍ଷରୁ ଶୃଙ୍ଖଳିତ/ଅବାଧ/ନିରପେକ୍ଷ ନିର୍ବାଚନ ପାଇଁ ବ୍ୟାପକ ଜନସଚେତନତା ସୃଷ୍ଟି କରାଯିବା ସହ ସମସ୍ତ ପ୍ରକାର ପ୍ରସ୍ତୁତି ଜୋରଦାର ଚାଲିଛି ।।
ଅଧିକ ଖବର ପଢ଼ିବା ପାଇଁଁ - Like Follow and Subscribe କରନ୍ତୁ
youtube.com/gadajatnews
facebook.com/gadajatnews
twitter.com/gadajatnews
Comments
Post a Comment