ବିଜେଡିରେ ସାମିଲ ହେଲେ ଗଣେଶ୍ୱର ଓ ଲେଖାଶ୍ରୀ । ଗଣେଶ୍ୱରଙ୍କୁ କେନ୍ଦାପଡ଼ାରୁ ମିଳିପାରେ ଟିକେଟ୍ । ଏପଟେ ଲେଖାଶ୍ରୀ ବାଲେଶ୍ୱର ଲୋକସଭା ପ୍ରାର୍ଥୀ ହେବା ନେଇ ଚର୍ଚ୍ଚା
Sunday 07 April , 08:05 pm
ଗଡ଼ଜାତ ବ୍ୟୁରୋ : ବିଜେଡିର ଚତୁର୍ଥ ପର୍ଯ୍ୟାୟ ପ୍ରାର୍ଥୀ ତାଲିକାକୁ ଏବେ ସମସ୍ତେ ଅପେକ୍ଷା କରିଛନ୍ତି । ଏହି ସମୟରେ ବିଜେପି ଓ କଂଗ୍ରେସ ଛାଡି ବିଜେଡିରେ ସାମିଲ ହୋଇଛନ୍ତି ଲେଖାଶ୍ରୀ ସାମନ୍ତସିଂହାର ଏବଂ ଗଣେଶ୍ୱର ବେହେରା । ଲେଖାଶ୍ରୀ ବିଜେପି ଟିକେଟ୍ ପାଇବାରୁ ବଞ୍ଚିତ ହୋଇଥିଲେ । ଆଉ ଏବେ ସେ ବିଜେଡିରେ ସାମିଲ ହୋଇ ବାଲେଶ୍ୱର ଲୋକସଭା ଆସନ ପାଇଁ ପ୍ରାର୍ଥୀ ହେବେ ବୋଲି ଚର୍ଚ୍ଚା ହେଉଛି । ସେହିପରି କେନ୍ଦ୍ରାପଡା ବିଧାନସଭା ଆସନ ପାଇଁ ଗଣେଶ୍ୱର ବେହେରା ବିଜେଡି ଟିକେଟ୍ ପାଇବେ ବୋଲି ଚର୍ଚ୍ଚା ହେଉଛି ।
ଗଣେଶ୍ୱର ବେହେରା, ପ୍ରାୟ ୪ଦଶନ୍ଧୀ ହେଲା କଂଗ୍ରେସରେ ରହିଥିଲେ । ନିକଟରେ କଂଗ୍ରେସରୁ ଇସ୍ତଫା ଦେଇଥିଲେ । ଆଜି ନିଜ ସମର୍ଥକଙ୍କ ସହ ଶଙ୍ଖଭବନ ଆସି ବିଜେଡିରେ ସାମିଲ ହୋଇଛନ୍ତି । ଆଉ କହିଛନ୍ତି, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆଦର୍ଶରେ ଅନୁପ୍ରାଣିତ ହୋଇ ରାଜ୍ୟରେ ବିକାଶ ପାଇଁ ବିଜେଡିରେ ଯୋଗ ଦେଇଛନ୍ତି । ବିଜେଡି ସାମିଲ ହେବା ପରେ ନବୀନ ନିବାସ ଯାଇ ମୁଖ୍ୟମନ୍ତ୍ରୀଙ୍କୁ ଭେଟିଛନ୍ତି ଗଣେଶ୍ୱର । ଚର୍ଚ୍ଚା ହେଉଛି, କେନ୍ଦ୍ରାପଡ଼ା ବିଧାନସଭା ଆସନରେ ବିଜେଡି ତାଙ୍କୁ ପ୍ରାର୍ଥୀ କରିପାରେ ।।
Comments
Post a Comment