ବିକଶିତ ଓଡ଼ିଶାର ସ୍ବପ୍ନ ସାକାର କରିବ ମିଶନ ଶକ୍ତି !!!
By - Sadashiba Panda ,, 05:42 pm
ବିକଶିତ ଓଡ଼ିଶାର ସ୍ବପ୍ନ ସାକାର କରିବ ମିଶନ ଶକ୍ତି ଅଭିଯାନ । ମିଶନ ଶକ୍ତି ବିଭାଗର ସମୀକ୍ଷା କରି ଏହା କହିଛନ୍ତି ଉପମୁଖ୍ୟମନ୍ତ୍ରୀ ତଥା ବିଭାଗୀୟ ମନ୍ତ୍ରୀ ପ୍ରଭାତୀ ପରିଡ଼ା ।।
ଉପମୁଖ୍ୟମନ୍ତ୍ରୀ କହିଛନ୍ତି, ମିଶନ ଶକ୍ତି ତା’ର ଲକ୍ଷ୍ୟସ୍ଥଳରେ ପହଞ୍ଚିବ ଏବଂ ଆଗରୁ ଆହୁରି କ୍ଷୀପ୍ର ଗତିରେ ଦୌଡ଼ିବ । କାରଣ ଏହି ବିଭାଗର ମହିଳାମାନେ ୧୯ଟି ବିଭାଗ ଏବଂ ୟୁଏନ୍ ଏଜେନ୍ସି ସହ ଜଡ଼ିତ । ତେଣୁ ଆଗାମୀ ଶହେ ଦିନ ଭିତରେ ମିଶନ ଶକ୍ତିକୁ ନେଇ ଯୋଜନା ପ୍ରସ୍ତୁତ ହେବ ।।
ସରକାର ବଦଳିବା ପରେ ବନ୍ଦ ହୋଇଯିବ କି ମିଶନ ଶକ୍ତି ? କଣ ହେବ ମିଶନ ଶକ୍ତିର ଭାଗ୍ୟ । ନୂଆ ସରକାର ଆସିବା ପରେ ବିଜେଡି ସରକାରର ମାନସ ସନ୍ତାନ କୁହାଯାଉଥିବା ମିଶନ ଶକ୍ତିକୁ ନେଇ ଏଭଳି କିଛି କଥା ସାମ୍ନାକୁ ଆସିଥିଲା । ନୂଆ ମନ୍ତ୍ରୀ ଭାବେ ବିଭାଗର ଦାୟିତ୍ଵ ନେବା ପରେ ବିଭାଗୀୟ କାର୍ଯ୍ୟକ୍ରମର ସମୀକ୍ଷା କରିଛନ୍ତି ଉପମୁଖ୍ୟମନ୍ତ୍ରୀ ତଥା ମିଶନଶକ୍ତି ମନ୍ତ୍ରୀ ପ୍ରଭାତି ପରିଡା ।।
କେମିତି ଚାଲିଛି କାର୍ଯ୍ୟକ୍ରମ, ଆଗକୁ କଣ ରହିଛି ଭିଜନ, ବର୍ତ୍ତମାନ ଚାଲିଥିବା କାର୍ଯ୍ୟକ୍ରମର ସ୍ଥିତି କଣ ଏ ନେଇ ମନ୍ତ୍ରୀଙ୍କୁ ଅବଗତ କରାଯାଇଛି । ସମୀକ୍ଷା ପରେ ମିଶନ ଶକ୍ତିର ଭବିଷ୍ୟତ ନେଇ ମନ୍ତ୍ରୀ କହିଛନ୍ତି ମିଶନ ଶକ୍ତି କାର୍ଯ୍ୟକ୍ରମ ଜାରି ରହିବ । ଆଗାମୀ ଦିନରେ ମିଶନ ଶକ୍ତି ଦୌଡିବ । ମିଶନ ଶକ୍ତି ଲକ୍ଷ ସ୍ଥଳରେ ପହଞ୍ଚି ବିକଶିତ ଓଡ଼ିଶାର ସ୍ୱରୂପ ହେବ ।।
ମିଶନ ଶକ୍ତି ଏକ ମାଇକ୍ରୋ ସରକାର । ଏହି ବିଭାଗର ମହିଳା ମାନେ ୧୯ଟି ବିଭାଗ ଏବଂ ୟୁଏନ ଏଜେନସି ସହିତ ଅନୁବନ୍ଧିତ । ପୂରା ବିଶ୍ୱ, ରାଜ୍ୟ ଏବଂ ଗାଁ ଏହି କାର୍ଯ୍ୟକ୍ରମରେ ମିଶିକି ରହିଛି । ଓଡ଼ିଶାକୁ ଏକ ନମ୍ବର କରିବା ପାଇଁ ଦେଶର ସାମାଜିକ ସ୍ଥିତି, ଅର୍ଥନୀତି, ମହିଳାଙ୍କ ଅବସ୍ଥିତି ଆଗାମୀ ଶହେ ଦିନ ଭିତରେ ଦ୍ରୁତ ଗତିରେ ବିକାଶ ହେବ । ଆଉ ମିଶନ ଶକ୍ତି ଏକ ମାତ୍ର ବିଭାଗ ଯାହାକି ବିକଶିତ ଓଡିଶାର ସ୍ବପ୍ନ ସାକାର କରିପାରିବ ବୋଲି କହିଛନ୍ତି ଉପ ମୁଖ୍ୟମନ୍ତ୍ରୀ ।।
୨୦୦୦ ମସିହାରୁ ଆରମ୍ଭ ହୋଇଥିବା ମିଶନ ଶକ୍ତିରେ ଏବେ ପ୍ରାୟ ୭୦ ଲକ୍ଷ ମହିଳା ଅଛନ୍ତି । ବର୍ତ୍ତମାନ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ବିନା ସୁଧରେ ଋଣ ମିଳୁଛି । ଜିଲ୍ଲା ମହାସଂଘ ପାଇଁ ୦୧ କୋଟି ଟଙ୍କା ଓ ବ୍ଲକ୍ ମହସଂଘ ପାଇଁ ୫୦ ଲକ୍ଷ ଟଙ୍କାର ରିଭଲଭିଁ ଫଣ୍ଡ ରହିଛି ।।
ମିଶନ ଶକ୍ତି ଦ୍ଵାରା ଉତ୍ପାଦ ସାମଗ୍ରୀ ବିକ୍ରୀ ପାଇଁ ମିଶନ ଶକ୍ତି ବଜାର ସୃଷ୍ଟି କରାଯାଇଛି । ମିଶନ ଶକ୍ତି କାଫେ ବି କରାଯାଇଛି । ମିଶନ ଶକ୍ତି ମହିଳାଙ୍କୁ ବିଦେଶ ଭ୍ରମଣ ସୁବିଧା ଦିଆଯାଉଛି । ପାଣି ବିଲ ସଂଗ୍ରହ, ବିଦ୍ୟୁତ୍ ବିଲ ସଂଗ୍ରହ, ଧାନ ମଣ୍ଡିରେ ନିଯୁକ୍ତି ସହ ପର୍ଯ୍ୟାୟ କ୍ରମେ ୧୯ ବିଭାଗରେ ମିଶନ ଶକ୍ତି ମହିଳାଙ୍କ ଭାଗିଦାରୀ ରହିଛି । ଆଗାମୀ ସମୟରେ ଏହି କାର୍ଯ୍ୟକ୍ରମକୁ ଅଧିକ ବ୍ୟାପକ କରାଯିବ ବୋଲି କହିଛନ୍ତି ମନ୍ତ୍ରୀ ।।
ମନ୍ତ୍ରୀ ଭାବେ ଦାୟିତ୍ଵ ନେବା ପରେ ସୋମବାର ମିଶନ ଶକ୍ତି ଭବନରେ ବିଭାଗୀୟ ସଚିବ ଓ ଅଧିକାରୀଙ୍କ ସହ ଆଲୋଚନା କରିଛନ୍ତି ଉପ ମୁଖ୍ୟମନ୍ତ୍ରୀ ପ୍ରଭାତି ପରିଡା । ମିଶନ ଶକ୍ତିକୁ ନେଇ ଯେଉଁ କିଛି ଦ୍ଵନ୍ଦ ଥିଲା ତାହା ମଧ୍ୟ ଦୂର ହୋଇଛି ।।
Comments
Post a Comment