ମେଗା ପାନୀୟଜଳ ପ୍ରକଳ୍ପ ଅନିୟମିତତା ନେଇ ମୁଖ୍ୟ ଶାସନ ସଚିବଙ୍କୁ ଭେଟିଲେ ବିଜୟ ଦଳବେହେରା

By - Sadashiba Panda  ,,    06:08 pm

ଗଡ଼ଜାତ ବ୍ୟୁରୋ (୨୦/୦୬) :  ମୋଗା ଜଳସେଚନ ପ୍ରକଳ୍ପ  -   ୨୨୫ କୋଟି ଟଙ୍କା

ବଡ଼ମ୍ବା-ନରସିଂହପୁର ଅଞ୍ଚଳର ୧୬୨ ରେଭିନ୍ୟୁ ଭିଲେଜର ୨୫,୦୦୦ ଏକର ଚାଷଜମିକୁ ଜଳସେଚନ ବ୍ୟବସ୍ଥା

ମେଗା ପାନୀୟଜଳ ପ୍ରକଳ୍ପ  -   ୨୭୩ କୋଟି ଟଙ୍କା , ୨୧୭.୭୧ କୋଟି ଟଙ୍କାରେ ଟେଣ୍ଡର ନେଇଥିଲା L&T

ଏଥିରେ ନରସିଂହପୁର ବ୍ଳକରେ ୩୫ ଟି ପଞ୍ଚାଯତର ୨୦୪ ଟି ଗାଁକୁ ଏବଂ ବଡ଼ମ୍ବା ବ୍ଲକରେ ୩୮ ଟି ପଞ୍ଚାଯତର ୨୨୭ ଟି ଗାଁକୁ ପାନୀୟଜଳ ଯୋଗାଇ ଦେବାର ବ୍ୟବସ୍ଥା କରାଯାଇଥିଲା । ମାତ୍ର ନିର୍ମାଣ ଅବଧି ଶେଷ ହେବାର ୦୫ ବର୍ଷ ବିତିଯାଇଥିଲେ ମଧ୍ୟ କରିପାରୁନାହିଁ ପ୍ରକଳ୍ପ କାର୍ଯ୍ୟ ।

ପାନୀୟଜଳ ପ୍ରକଳ୍ପ କାର୍ଯ୍ୟ ବିଳମ୍ବ ହେଉଥିବାରୁ ଗତ ୨୦୨୩ ମେ ମାସରେ କଟକ ଏଡିଏମ୍ ପୂର୍ଣ୍ଣଚନ୍ଦ୍ର ମିଶ୍ର ସ୍ଥିତି ପରଖିବା ସହ ତୁରନ୍ତ କାର୍ଯ୍ୟ ଶେଷ କରିବାକୁ ପରାମର୍ଶ ଦେଇଥିଲେ । ଜୁନ ୨୦୨୩ ସୁଦ୍ଧା ପ୍ରକଳ୍ପ କାର୍ଯ୍ୟ ଶେଷ ହେବ ବୋଲି ବିଭାଗୀୟ ଯନ୍ତ୍ରୀ କାଳୁ ଚରଣ ବେହେରା ପ୍ରତିଶ୍ରୁତି ଦେଇଥିଲେ ।।

L&T କମ୍ପାନୀ ଟେଣ୍ଡର ପାଇଥିଲା

ଚୁକ୍ତି ଅନୁସାରେ ୨୦୧୬ ମସିହାରେ କାମ ଆରମ୍ଭ ହୋଇ ୨୦୧୮ ମସିହା ସୁଦ୍ଧା ଶେଷ ହେବାର ଥିଲା । କିନ୍ତୁ ନିର୍ମାଣ କାର୍ଯ୍ୟ ଶେଷ ହୋଇ ନପାରିବାରୁ ପୁଣି ଥରେ ଦୁଇ ବର୍ଷ ପାଇଁ ଅବଧି ବୃଦ୍ଧି କରି କାମ ଶେଷ କରିବାକୁ ଚୁକ୍ତି କରିଥିଲା କମ୍ପାନୀ । ହେଲେ ଅବଧି ଶେଷ ହେବାର ୦୫ ବର୍ଷ ପରେ ବି ନରସିଂହପୁର ବ୍ଳକରେ ପାଖାପାଖି ୧୫୦ ଗାଁ ଏବଂ ବଡ଼ମ୍ବା ବ୍ଳକରେ ପାଖାପାଖି ୮୦ ରୁ ଉର୍ଦ୍ଧ୍ୱ ଗାଁକୁ ଏପର୍ଯ୍ୟନ୍ତ ପାନୀୟଜଳ ଯୋଗାଇ ପାରିନାହିଁ କମ୍ପାନୀ ।

ସେପଟେ ନିମ୍ନ ମାନର କାର୍ଯ୍ୟ ଯୋଗୁଁ ଅଧିକାଂଶ ସ୍ଥାନରେ ପାଇପ୍ ଲିକେଜ୍ ହୋଇ ରାସ୍ତାଘାଟରେ ପାଣି ବୋହୁଥିବା ଦେଖାଯାଉଛି । ବିଭିନ୍ନ ସ୍ଥାନରେ ରାସ୍ତା ତାଡ଼ି କମ୍ପାନୀ ପାଇପ୍ ବିଛାଇଥିଲେ ବି ମରାମତି କରୁନାହିଁ ତେଣୁ ଯାତାୟାତ ଅସୁବିଧା ହେଉଛି ।।

ଏଭଳି ଏକାଧିକ ଅନିୟମିତତା ଓ ମାତ୍ରାଧିକ ବିଳମ୍ବ ଭଳି ଦୀର୍ଘ ଦିନର ସମସ୍ୟା ଏବଂ ବୃହତ୍ତର ଜନସ୍ବାର୍ଥ ଦୃଷ୍ଟିରୁ ଗୁରୁତ୍ୱାରୋପ କରି ଯଥାଶୀଘ୍ର ସମ୍ଭବ ତ୍ବରିତ୍ ସମାଧାନ ପାଇଁ ଦାବି ଜଣାଇଛନ୍ତି ।।